HANYOYIN SARRAFA NAMA KALA-KALA HARDA YADDA AKE DAMBUN NAMA

 HANYOYIN SARRAFA NAMA KALA DABAN-DABAN

     YADDA AKEYIN DAMBUN NAMA

Abubuwan hadawa

Nama

Albasa

Attarugu

Curry

Maggie

Onga chicken and classic

Thyme kadan

Tafarnuwa

Gishiri

Sai wasu spices da seasonings da ki ke so

 

     YADDA AKE HADAWA

Ki samu tukunya ki sa nama, albasa, curry, garlic ki jajjaga ki zuba, thyme, gishiri, attarugu, spice da seasoning da ki ke so sai ruwa kadan, ki rufe ki bari namar ta nuna sosai har sai ya ragargaje da kansa.

Bayan ya nuna sai ki daura wata tukunyar daban akan wuta, ki zuba namar ta ki a ciki, ki samu muciya kiyita juyawa, kina juyawa za ki ga namar na rarrabewa, nama masu kashi ma za ki ga suna barin jikin namar.

Haka za ki ta yi har sai namar ta bushe ta baki golden brown colour sai ki sauke.

     KARIN BAYANI

Kar ki cika wuta.

In tukunyar ki kasar ta kama toh ki nemi wata roba ki juya dambun sai ki kankare cikin tukunyar sannan ki sake zubawa ki ci gaba da tukawa.

In itace ki ke amfani da shi kada ki bari ya yi hayaki dan tiririn zai kama dambun ki.

Ki kula kada ki cika maggie da gishiri in tayi yawa dambu bata dadi.

NAMA CIKIN KWAI

Ingredients:

* Kwai

* Nama

* Gishiri

* Maggi

* Albasa

* Attarugu

* Mai

       PREPARATION:

Ki dafa kwanki daidai yawan da kikeso, kowanne ki yanke kasansa wajen fadin kadan ki kwakule kwanduwar a hankali ki cire ta, ki tafasa namanki da curry, thyme, maggi, gishiri.

Idan ya dahu ki zuba attarugu kadan ki daka naman, sannan ki dinga debo dakakken naman kina turawa cikin kwai, idan ya cika sai ki debo kwanduwar ki toshe bakin kwan da ita, haka zakiyi tayi har ki gama, sannan ki dinga tsoma kwan a cikin ruwan kwai kina soyawa, idan ya soyu sai ki kwashe, wannan nama cikin kwan yana da dadi.

 SUYAR KWAI MAI NAMA

Ingredients:

* kwai

* Nama

* Maggi

* Gishiri

* Curry

* Albasa

* Attarugu

PREPARATION

Ki tafasa namanki da maggi, curry, thyme, albasa, ki daka shi sosai, ki fasa kwai ki yanka albasa, attarugu, ki zuba dakakken nama, ki karo maggi da gishiri daidai yadda kike so, ki kada sosai, ki soya kamar wainar kwai.

 WAINAR KWAI MAI ALAYYAHU

Ingredients:

* Kwai

* Hanta

* Alayyahu

* Curry

* Maggi

* Gishiri

* Albasa

* Attarugu

* Mai

                        PROCEDURES:

Ki yanka alayyahunki kanana, hantar ki daka ta, bayan kin dafe ki fasa kwai ki zuba hantar, ki zuba alayyahunki, curry, maggi, gishiri, da albasa, idan kina so, ki soyata kamar suyar wainar kwai.

 CI KAYI SANTI

Ingredients:

* Kwai

* Nama

* Curry

* Maggi

* Gishiri

* Tumatir

        Preparation:

Ki dafa kwanki, daidai yawan da kike so ki yanka shi kanana, ki yanka tumatir, attarugu da albasa akai ki yanka tafasasshen namanki kanana a kai, ki fasa kwan ki zuba akai, kisa maggi, curry, gishiri, ki kada ya kadu sosai, ki dora mai a kan wuta ki soya kamar suyar wainar kwai.

  Yadda ake Awaran Kwai

Abubuwan hadawa

Kwai

Attarugu

Albasa

Man girki

Maggi

Leda

      Yanda ake hadawa

Da farko zaki sami kwanki ki fasashi a kwanan ki mai kyau ki kadashi Sai ki zuba kayan hadinki: attarugu, da albasa wanda dama kin yi giretin nasu da sauran kayan dandano dai dai misali

Sai ki dunga zuba kwan naki acikin leda kina yi masa kamar kullin alalan leda

Sannan sai ki dora ruwanki cikin tukunya ki dafa kullallen kwan naki

Idan ya dahu sai ki kara fasa wani kwai, kuma ki cire wannan kwan naki na leda kina yankashi yankan tsakiya za kiga ya bada shef din zuciya, watau ‘heart’ sai ki dunga tsomashi acikin wannan kwan naki

Sai kuma ki soyashi a manki mai zafi sosai, amma ki yi suyar sama-sama don ya yi suya mai kyau

A ci dadi lafiya. Na gode.

        Another method

Shi kuma wannan wasu suna fasa kwai ne a kwano, sai su juye dakakken kayan miya da albasa din su a cikin kwai din, sai su sa mai ya dan yi zafi sau su juye shi ya soyu. Ana cin egg sauce da Plantain, potatoes, yam, dama sauran su.

Note: Mata dayawa suna bata sauce din su ne ta hanyar zabga tumatir, amma ni ban yarda da tumatir ba a sauce. Idan ma zaki sa tumatir to kada ya wuce guda daya, saboda yana sa shi yayi ruwa, kuma yana sawa aji tsami, yana kuma bata taste idan wacce bata iya ba ta sa.

Egg sauce ana cin sa da abubuwa dayawa, ba wai dole sai dankali, doya ko plantain ba. Don haka In zaki yi na miya dayawa ne kamar yanda daya cikin pictures din ya nuna, sai kin gama miyan k tsaf, sannan zaki kadan egg din ki zuba.

 *_____✍🏻✍🏻By Chef Oum Aslam & meenat kitchen👩🏻‍🍳*