YADDA AKEYIN SPRING ROLLS

 YADDA AKEYIN HADADDIYAR SPRING ROLLS CIKIN SAUKI

ABUBUWAN HADAWA

Flour

Nikakken nama

Kabeji

Karas

Albasa

Kwai

Magi

Gishiri

Curry

Brush

Man gyada

   YADDA AKE HADAWA

Da farko, Uwargida zaki wanke kabejinki ki yanka da albasa da karas sanan ki soyasu da mai cokali daya, kuma suyan ya zamana sama-sama.

Sannan sai ki zuba nikakken nama, da maggi, da gishiri da curry. Jim kadan sai ki sauke daga kan wuta.

Bayan nan, sai ki hada filawa, kwai, maggi, gishiri da ruwa ki kwaba yayi kamar kaurin wainar filawa.

Sai kuma ki shafa mai a nonstick, sannan ki shafa filawarki da brush. Idan ya yi, za ki ga gefen ya dago sai ki cire a gefe ki tara.

Idan kin gama sai ki dinga dauka kina zuba hadin kabejinki kina nadewa kamar tabarma.

Haka zaki yi tayi har ki gama. Idan kin gama sai ki sa kaskon suya a wuta ki sa manki, idan ya yi zafi sai ki soya.

Idan kin gama soyawa sai ki kwashe ki sawa maigida ya je office dashi ko kuwa yara dan tafiya makaranta.

 *_____✍🏻✍🏻By Chef Oum Aslam & meenat kitchen👩🏻‍🍳*